Аргентинецот Лионел Меси 19-ти меч во низа постигнува еден или повеќе голови.Реал Мадрид и Барселона не се мачеа премногу да стигнат до победа, а тоа го искористија Сарагоса и Селта за да освојат по еден важен бод во битката за опстанок во лигата. Барселона во Виго одигра 2:2 со Селта, додека Реал Мадрид исто така на гостински терен одигра 1:1.
Гостувањето на Барса во Виго помина во знакот на Лионел Меси и неговиот нов рекорд. Имено, Аргентинецот во 73-тата минута постигна гол за 2:1 и стана првиот играч во историјата на шпанскиот фудбал кој на сите екипи од Примера постигнал гол и тоа 19 меча во низа. Прецизен против сите екипи беше и Кристијано Роналдо минатата сезона, но не во низа.
Инаку домаќините поведоа во 38-та минута преку Инса, а потоа во 43-тата минута следуваше израмнување преку Тељо. Како што спомнавме Меси во 73-тата погоди за 2:1, но на две минути пред крајот на мечот Борха Оубина ги постави конечните 2:2.
Неговиот најголем ривал Кристијано Роналдо исто така ја продолжи голгетерската серија, откако во 38-та минута му донесе израмнување на Реал на гостувањето кај Сарагоса. Голот за домашните го постигна Родри по само шест минути игра.
Резултати:
Рајо Ваљекано – Малага 1:3
Селта – Барселона 2:2
Леванте – Севиља 1:0
Сарагоса – Реал Мадрид 1:1
Недела:
Ваљадолид – Осасуна
Мајорка – Депортиво Ла Коруња
Еспањол – Реал Сосиедад
Атлетико Мадрид – Валенсија
Понеделник:
Атлетик Билбао – Гранада
Бетис – Хетафе
