Видео: Меси го „сврте кругот“, но Барселона не победи во Виго
Лионел Меси ја продолжи својата неверојатна голгетерска серија откако се запиша во листата на стрелци и на гостувањето против Селта (2-2). Ова беше 19. натпревар во низа во Примера дивизион на кој овој фудбалер ја затресе противничката мрежа, со што Меси го „сврте кругот“ во шпанскиот шампионат, постигнувајќи погодоци во низа против сите ривали во елитното шпанско фудбалско друштво. Сепак, погодокот на аргентинскиот генијалец не беше доволен за Барселона да стигне до триумф на дуелот со Селта, откако каталонците примија гол во 88. минута и на крајот мораа да се задоволат само со еден освоен бод во Виго.
