Претседателот на Уругвај, Хосе Мујика, синоќа се посрамотил по навредливата мисла искажана на сметка на Кристина Кричнер, претседателката на Аргентина и нејзиниот покоен сопруг.
Непосредно пред почетокот на конференцијата за медиуми, мислејќи дека микрофонот не е вклучен, Мујика му прошепотил на својот колега: "Оваа стара вештерка е полоша од оној човек со криви очи!".
Магазинот "El Observador" аудио снимката ја објавил на својата официјална интернет страна. Мујика со овој невкусен коментар алудирал на претседателката Кричнер и нејзиниот сопруг Нестор, кој неочекувано во 2010 година починал од срцев удар.
Првиот човек на Уругвај не знаел дека микрофонот пред него веќе е вклучен, а објавената снимка на интернет страницата донела толку посети, па истата за кратко време била блокирана. Според официјалните информации, оваа интернет страница во својата историја не забележала толку многу посети. |
