Веќе неброен број пати сме ги покриле карактеристиките на овој мобилен телефон, но да погледнеме уште еднаш што е тоа што го прави толку популарен. Пред се, тука е најголемата новина - воведувањето на скенер на отпечатоци наместо Home копче. Од нашето тестирање на уредот, можеме да ви кажеме дека навистина работи феноменално. Можеби нема да ни верувате, но не можете да го отклучите телефонот со палецот на левата рака, ако претходно како „лозинка“ ви е внесен оној од десната.
Процесорот е A7 и со 64 битна архитектура. Веројатно сте запознаени со процесорите на Intel, како на пример Core i3 или Core i5? Епа, тие исто така користат 64 битна архитектура, па затоа видете колку моќен уред држите во вашите раце. Ќе ви признаеме, си донесовме и iPhone 5, прилично сме задоволни со него, брз, елегантен, убав...ама по споредбата и краткото тестирање на iPhone 5s, постариот модел веќе ни се чини како „тапа“...уф, ќе мора и ние да си набавиме еден нов iPhone 5s. Секоја апликација, секоја игра и секоја анимација се побрзи од iPhone 5 - иако звучи невозможно, навистина е така!
Ја инсталиравме Infinity Blade 3 и решивме, го фрламе и нашиот Xbox 360! :)
Камерата е на самиот врв помеѓу мобилните уреди. Поголемиот сензор води кон поголемо пропуштање на светлината низ самата леќа, со што сликите изгледаат значително подобро споредено со претходните модели. Не би отишле толку далеку за да тврдиме дека е најдобра, бидејќи Nokia е сериозен конкурент, но е дефинитивно меѓу најдобрите на пазарот
Тоа значи дека уредот е „отклучен“ и ќе работи на One, Vip и T-mobile, без потребата да инсталирате чип (R-Sim) на вашата сим-картичка, кој троши повеќе батерија, прави проблеми со повиците, ви паѓа мрежата...верувајте ни, сме пробале R-sim и никогаш не би пробале пак!
Доколку сакате да го поседувате врвот на мобилната технологија наречен iPhone 5s, тогаш ве советуваме да побрзате бидејќи додека го тестиравме моделот, во мобиларата се направи огромна гужва од заинтересирани лица
