Македонска тинејџерка го воодушеви жирито на "X-Factor"

Уште еден доказ дека Македонија изобилува со неверојатни таленти е и петнаесетгодишната Марија Ичкова, која во вечерашното издание на талент шоуто "X Factor Adria" ги воодушеви, како членовите на жирито, така и присутните во публиката. 

Петнаесетгодишната Марија Ичкова од Богданци ја освои публиката и членовите на жирито во талент шоуто "X Factor Adria", а доказ за неверојатниот настап на талентираната Македонка се и четирите "да" кои што се и нејзината виза во вториот круг од натпреварувањето.

Како што вели и самата Марија, главни виновници за нејзиното учество во шоуто се нејзините пријатели, а талентот и љубовта кон музиката таа го наследила од својот татко. Во продолжение погледнете го настапот на Марија со песната "Whole Lotta Love" од "Led Zeppelin".