Секогаш прекрасна: Ева Мендез прошетала по црвениот тепих во фустан од шест долари

Таа е една од најсексипилните жени на светот. Денес не можеме да замислиме да не прошета на црвениот тепих во гламурозна тоалета со потпис од некој од најпознатите дизајнери. Но, не било отсекогаш така...

Холивудската ѕвезда Ева Мендез се присетила на почетокот на својата кариера и денот кога гламурозните тоалети за неа биле недостижни.

На својот профил на Инстаграм, актерката поставила фотографија од своето прво појавување на црвен тепих пред 14 години. На својот прв црвен тепих по повод премиерата на филмот „The Others“ во 2001 година била облечена во бел фустан којчинел само шест долари.

„Сама себе си направив фризура и самата се нашминкав. Отсекогаш сум сакала да најдам добро парче облека, но евтино“, рекла Ева.

Иако поминало повеќе од една деценија, а популарната латина во меѓувреме наполни 41 година и стана мајка, се чини дека Ева воопшто се нема променето за сиве овие години. Нејзините фанови се воодушевени од оваа фотографија на актерката.