Всушност, треба да се погледнете себе. Можеби токму во вас е проблемот и треба да промените нешто кај себе, доколку сакате брзо и лесно да ја најдете љубовта на својот живот.
1. Работете на себе
Еден од предусловите за среќна врска е првенствено е да се сакате и почитувате себе. Со други зборови, прво сами со себе треба да бидете во среќна и здрава врска. Поработете на себе и на својот живот, за да можете да го надградите животот со друга личност. Несреќната личност не може да биде во среќна врска.
2. Барајте без срам
Ако сте во потрага по својата втора половина, немојте тоа да го криете. Меѓу вашите пријатели и нивните познаници можеби се крие личност со која би можеле да живеат среќно до крајот на животот, но прво мора да ја запознаете. Немојте да се срамите што сте сами и подгответе се да запознаете нови луѓе.
3. Посетувајте места кои ве интересираат
Ако сакате да танцувате, зачленете се во танц – клуб, ако сакате планинарење, зачленете се во планинарски клуб и така натаму. На такви места полесно се запознаваат луѓе, бидејќи првенствено имате исти интереси и љубов кон нешто, а тоа е одлична отскочна даска за подобро запознавање и дружење.
4. Изгледајте и однесувајте се пристојно
Кога седите со пријателите во кафуле, свртете се малку околу себе и воспоставете контакт со очите и насмевнете се на личноста која ви се допаѓа. Ако некој од вашите пријатели сретне друга личност, запознајте ја и воспоставете контакт со очите.
Не ги прекрстувајте рацете, не се муртете, не гестикулирајте премногу и не се однесувајте нервозно. Личноста која не ве познава сите тие знаци може погрешно да ги протолкува. Ако вие некому пријдете или некој ви пријде, обидете се да делувате опуштено, пристапно и искрено.
5. Бидете отворени за различните можности
Во вашите мисли Вистинската личност има одредени надворешни карактеристики кои обично се многу универзални и општи и важат за една третина од популацијата. Не избегнувајте запознавање нови личности без разлика на тоа што на прв поглед не се вклопуваат во вашата замисла или не ги исполнуваат сите ваши критериуми. Не заборавајте дека поважна е енергијата и хемијата меѓу вас отколку убавината.
6. Бидете подготвени на промена
Можеби имате свој стил, рутини, навики, но кога во животот ви се појавува нова личност мора да бидете подготвени да направите одредени промени во животот, ако сакате таа личност да се вклопи во вашиот живот. Оние кои се долго сами сè помалку се подготвени на такви компромиси, Исто така ако некој сакате да запознаете бидете подготвени да излезете на места на кои вообичаено не излегувате.
7. Излезете од познатото окружувње
Супер е што сè уште се дружите со вашите пријатели од детство иако тие се веќе фамилијарни луѓе, но мора да почнете да се движите на места и настани каде ќе запознавате нови луѓе кои дошле со иста цел. Само на тој начин може да пронајдете заеднички интерес и да добиете резултат кои ќе ве задоволи и вас и вашиот нов партнер.
