Со мали промени до нов изглед ова лето

За да имате разлика во секојдневниот изглед, нема потреба драстично да го менувате изгледот, туку и малите промени можат да направат да изгледа како поинаква личност.



Овие 3 едноставни начини ќе ви помогнат да го освежите вашиот изглед ова лето:

1. Пробајте маскара во боја



Ако до сега никогаш не сте ставиле маскара во боја, сега е вистинското време за да го направите тоа. Прво нанесете малку црна маскара, а потоа пробајте зелена, сина или виолетова. Очите ќе ви дојдат до израз и ќе блеснете во полн сјај.

2. Одберете светла боја на кармин



Уште еден начин за да го подобрите вашиот изглед ова лето е да одберете кармин во светла боја. Пробајте портокалова или розова боја, за вашите усни да добијат летен изглед. Во мода се мат верзиите на кармини, а штом нанесувате кармин не ги истакнувајте очите, туку нанесете само малку туш.

3. Нагласете ја бојата на косата

Еден од најлесните начини да го освежите целокупниот изглед во текот на оваа сезона е малку да ја нагласите бојата на косата, односно нијанса потемна или посветла. Консултирајте се со фризерот и така полесно ќе одлучите, а доколку не сакате да ја бојадисувате целата коса, тогаш омбрето е совршен избор за вас.