Тројца тешко повредени во намерна сообраќајна несреќа во Словенија

Три лица се тешко повредени во инцидент во сабота на приодот кон Љубљана, а меѓу нив и двајца полицајци кои биле повикани на итна интервенција.

Инцидентот се случил на локалниот пат Љубљана-Иг.

Сообраќајката намерно ја предизвикал возач на приватен автомобил, рече за Словенечкото радио претседателот на полицискиот синдикат Зоран Петрович, при тоа додавајќи дека е згрозен од инцидентот и дека предизвикувачот на сообраќајката претходно се заканувал дека „ќе предизвика масакр“.