Најголемиот Јутубер откри колку заработува!

Најголемата YouTube ѕвезда, Феликс Келберг, познат по името PewDiePie како и што се вика неговиот канал на овој сервис, минатата година оствари рекордна заработка, од 7,4 милиони долари.



По излегување на оваа вест, имаше реакции на социјалните мрежи од луѓе кои го гледаа ова како „нефер“ и беа очигледно бесни поради неговата голема заработка.

25-годишниот Феликс преку видео на својот канал, им одговори на хејтери:

„Многумина беа бесни поради фактот што толку заработувам и мислеа дека не е фер. Мислат дека седам по цел ден и викам пред екран. Што е точно! Но ова што го правам е многу повеќе од тоа.“

Тој додава дека луѓето се позаинтересирани од него за тоа колку тој заработува, а особено е исфрустриран бидејќи повеќе фама се кренало околу неговата заработка, отколку околу сите пари што ги собрал за хуманитарни цели.

Погледнете го видеото:

Феликс стана популарен на YouTube по видеата од себе како игра разни видео игри, додека го пренесува искуството на играње игри. Неговиот домен на бизнис се прошири, па сега рецензира и производи, изведува предизвици поставени од гледачите и слично.

Каналот PewDiePie моментално има речиси 38 милиони претплатници и над 9 милијарди прегледи на видеата.