Севернокорејскиот лидер Ким Јонг-Ун на вонредна седница одржана денес наредил севернокорејските ракетни системи да бидат ставени во состојба на готовност за напад врз воените бази на САД во Јужна Кореја и во Пацификот.
Ова е опасност и за почеток на 3ти Светски Рат
Севернокорејската државна новинска агенција KCNA соопшти дека младиот комунистички претседател Ким Јонг-Ун наредбата ја дал на состанокот со генералите, одржана во петокот на полноќ по неколкуте летови на американските „невидливи" бомбардери B-2 над Јужна Кореја и оценил дека имајќи ја предвид ситуацијата „дошло време да се решат сметките со империјалистите од САД".
„Тој го потпиша планот за технички подготовки на стратешките ракети на армијата на Демократска Народна Ррпублика Кореја (Северна Кореја - з.р.), командувајќи да бидат подготвени за лансирање за во секој момент да може да се нападне територијата на САД, нивните воени бази во подрачјето на оперативните дејствување на Пацификот, вклучувајќи ги Хава и Гуам", јавува агенцијата KCNA.
Два американски „невидливи" нуклеарни бомбардери од типот B-2 коишто долетале од воздухопловната база Вајтмен во американската сојузна држава Мисури изведоа во четвртокот воена вежба над Јужна Кореја. Ток лет во рамките на големите заеднички воени маневри кои секоја година ги одржуваат американските и јужнокорејските сили, според соопштението на армијата на САД, ја покажало „способноста на САД брзо и без ограничувања да изведат далекустрелни прецизни удари".
