Сателитот на НАСА, кој е во составот на ѕвездата „Кеплер-62“, открил уште три други планети за кои се тврди дека се соодветни за човечки живот.
„Се' помалку и помалку Земјата е посебно место за живеење и веруваме дека вакви слични места има насекаде“, рекол Том Баркли, учесник во овој проект.
„Кеплер-62ф“ е 40 отсто поголем од Земјата, а околу својата ѕвезда прави круг од 267 дена, додека „Кеплер-62е“ е 60 отсто поголем од нашата планета и се претпоставува дека на него се наоѓаат големи океани.
Вилијам Боруцки, главниот човек на ова истражување, е уверен во тоа дека новооткриените планети можат да бидат многу посоодветни за некои идни колонизации од сите други пронајдени планети досега, како што се „Кеплер-22б“ и „Кеплер-69ц“.
„Сепак, сега станува збор само за теоријата која ќе биде потврдена дури тогаш кога на тие места ќе испратиме вселенски летала“, рекол Боруцки.