Српските претставнички на овогодишната Евровизија, Невена, Сара и Мирна, се во трка за најубави пејачки на натпреварот.
Членките на групата „Моје три“ моментално убедливо водат во изборот за најатрактивни учеснички на Евровизија кои оваа година ќе настапат во Малме.
Во трка за титулата „најубави на Евровизија“ се 26 жени, а Сара, Мирна и Невена се на првите три места. Невена убедливо води со 17,2 % од гласовите, Сара има 15,9 %, а Мирна има освоено 11% од вкупните гласови.
Зад нив се претставничките на Молдавија, Германија и Кипар, а нашата претставничка, Есма Реџепова има 0,8% од вкупниот број на гласови.
Конечните резултати ќе бидат објавени пред почетокот на овогодишната Евровизија, а на 25 април започнува финалното гласање, кога на листата ќе останат само 12 натпреварувачки.
