Desire L е телефон од средната класа со WVGA LCD2 екран на допир од 4,3 инчи. Телефонот поседува dual-core 1 GHz процесор и 1GB RAM. Засега не е специфицирано на која верзија од Android работи уредот, иако најверојатно станува збор за Jelly Bean. Софтверот е надополнет со HTC Sense интерфејс чија цел е полесна интеракција со телефонот.
Од задната страна, можеме да забележиме 5 мегапикселна камера која има можност да снима HD (720p) видеа. Телефонот може да се пофали дека е прилично „слаб“ со дебелина од само 8.9 милиметри. Засега, HTC Desire L ќе се продава само во азиските земји и нема најави за неговото пристигнување во Европа.
