Производител против држава: Mercedes победи во спорот со Франција

Цели два месеци Mercedes не смее да ја продава класата А во Франција. Судот во Париз сега донесе решение со кое што се отстранува забраната за германскиот гигант.

Француската држава му одобри на Mercedes повторно да ги продава моделите од класите A, B и CLA на нејзината територија, барем привремено. Истото важи и за родстерот SL. Така реши вишиот управен суд на државниот совет.

Од почетокот на јули, компактните возила на Mercedes беа забранети за продажба на францускиот пазар затоа што нивниот систем за климатизација го користи сега веќе недозволеното разладно средство со ознака 134a. Концернот Daimler одби да го користи новото разладно средство 1234yf, затоа што смета дека тоа е мошне запаливо, особено во случај на судир.