Војдан Стојановски: Победата му ја посветуваме на повредениот Чековски!

Војдан Стојановски беше пресреќен по натпреварот со Србија и по големата победа на нашиот кошаркарски тим, прв на ЕП. Но, и во тие моменти не ги заборави своите „ранети“ другари.

„Ова беше победа за Ѓорѓи Чековски, кој беше повреден и не можеше да ни помогне. Одигравме одличен натпревар. Сите 40 минути бевме добри во одбраната. Ја спречивме нивната транзиција, која е едно од нивните најсилни оружја, а и погодивме многу шутеви кои не успеваа да влезат на претходните две средби. Не треба да летнеме сега премногу, зашто не чекаат уште две значајни средби. Но, ова е голем триумф за нас и за нашата самодоверба", изјави В. Стојановски на прес-конференцијата по мечот.