Првиот и вториот тенисер на светот во моментов, Ѓоковиќ и
Надал, утре ќе се сретнат во финалето на последниот Гренд Слем годинава,
Ус Опен. Иако, последниве неколку години ривалството меѓу Надал и
Федерер беше прогласувано за најголемо ривалство на нашето време или
можеби воопшто, бројките велат поинаку.
Во утрешното финале Надал и Ѓоковиќ ќе се сретнат по 37 пат во
својата кариера. Тоа е еден натпревар повеќе од меѓусебните дуели кои ги
одиграле Иван Лендл и Џон Мекинро.
Ова ќе биде 11-ти пат Надал и Ѓоковиќ да се сретнат на Гренд Слем
турнирите, односно шести пат во финалето на ваквите турнири. Само
Федерер и Надал досега имаат одиграно поголем број на дуели во
финалињата на Гренд Слем натпреварувањата, вкупно осум.
За да се пласираат во финалето, Надал го победи Гаске, а Ѓоковиќ го совлада Станислас Вавринка.
