Босанските медиуми денеска пред натпреварот признаваат дека нашата селекција е фаворит и дека треба многу мака и среќа за да се совладаат македонските кошаркари.
Селекторот на репрезентацијата на БиХ, Александар Петровиќ, за босанските медиуми изјавува дека е добро што денеска не игра Чековски на натпреварот: -Еден нивен многу важен играч, особено во скокот, Ѓорѓи Чековски е повреден. Тој буквално не наполни на пријателскиот меч со 33 поени. Сепак и без него Македонија е квалитетна и се подготвуваме како да се комплетни. Ние сме физички добро подготвени и секако се надеваме на успех, искрен е селекторот.
