Специјално за таа пригода Севе се накити со златни нитни и реси за да го долови моментот на сопругата на прочуениот Сулејман Величествениот. Пејачката песната ја посвети на нејзината мајка и илјадниците фанови на „Фејсбук“.
- Песната ја отпеав бидејќи мојата мајка го обожава Сулејман Величествениот и нормално дека е добра мелодијата и текстот. Исто така, сакав да им се заблагодарам на моите фанови што на „Фејсбук“ ги има повеќе од пола милион. Среќна сум што заедно се радуваме на новите концерти. Мислам дека го имам најубавиот спот на овие простори – напиша Северина на својот профил на „Фејсбук“.
Хрватската пејачка премиерно песната ќе ја изведе на концертот во сараевската „Зетра“.
