Тој денеска зборуваше пред дипломатите од земјите-членки на Европската Унија во Брисел во рамки на конференција организирана од невладината Центар за европски политики (ЦЕПС).
На оваа конференција се зборуваше за наметнатиот спор за уставното име на Македонија од страна на Грција и македонските евроинтеграции. Ахмети заедно со вицепремиерот за евроинтеграции Фатмир Бесими порачале дека патот на Македонија кон ЕУ и НАТО има голема поддршка кај албанската заедница во нашата земја, но дека поради нерешениот спор за името, Македонија не може да напредува. Поради тоа, тој уште еднаш порачал дека е потребно да се најде компромис за ова прашање, јави МИА.
Денеска во Брисел Ахмети имал и неколку билатерални средби со официјални лица од ЕУ и НАТО, меѓу кои и со Питер Фејт и еврокомесарот за проширување Штефан Филе.
