Како што соопшти АМСМ единствено интензивни врнежи од снег има на патниот правец Крива Паланка – граничен премин Деве Баир каде пред малку е воведена и забрана за товарни возила а врнежи со послаб интензитет има и на Стража, Маврово, Попова Шапка, Плетвар, Смојмирово и Делчево, но на овие патни правци, тие не претставуваат проблем за одвивање на сообраќајот.
Поради појава на магла, видливоста на планинскиот премин Ѓавато е намалена до 100 метри.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони
