Маж од Англија, чиј идентитет не е откриен, добил доживотна казна затвор откако на суд е кажано дека и го упропастил животот на ќерката интимно злоставувајќи ја. Таткото кој прв пат ја злоставувал ќерката кога таа имала 10 години, а една година после тоа и направил и дете, осуден е на доживотна робија.
Неговите злодела се откриени откако таа останала бремена во своите тинејџерски години, а исто така ја свртел и против маjка и.
Додека гледала како таткото го носат од судницата по читањето на пресудата, девојчето извикало: „Те сакам и ми недостигаш“.
На судот е кажано дека таткото бил единствениот старател на девојчето и дека секогаш кога бил бесен и лут, ја злоставувал.
Иако постојано и ветувал дека ќе престане да ја силува, после секое силување и напад тоа не се случувало, а продолжил да го прави истото се додека не останала бремена.
За да ја прекине бременоста , а никој да не дознае дека била бремена, тој и наредил да продолжи да тренира кик бокс, со што се занимавала некое време.
Девојчето не сакало да открие кој е татко на детето кога полицијата го уапсила, но со тест за потврда на татковство утврдено е дека татко на детето е нејзиниот татко.
Во секој исказ за полицијата, таа изјавувала дека се плашела да го пријави татко и, и дека се уште го сака.
- Злоставувањето го насочи мојот живот во погрешен правец и ми го уништи нормалното детство и адолесценција што секој го заслужува. Се плашев од последиците бидејќи го сакам својот татко. Знам дека тоа што го правеше е погрешно, но пораснав со татко ми. Сакав тој да ја добие неопходната помош, но за жал не се случи тоа и дојде до ова – изјави таа.
