Во деведесеттите години од минатиот век, официјален Вашингтон, од ослабената Русија побарал целосна разградба на овие хеликоптери, како и на Tu-160 бомбардерите, заедно со балистичките проектили кои ги носеле.
Доколку судиме според податоците кои доаѓаат од самиот врв на руската војска, а кои ги пренесува Russia Today, Русија на големо работи на повторно воспоставување на производство на суперсоничниот "Blackjack Tu-160", а се шушка дека истата судбина ги чека и хеликоптерите Mi-14.
Информациите кои доаѓаат од Татарстан, каде што Mi-14 е произведен, укажуваат на тоа дека фабриката KVZ или "Kazan Helicopter Works", со полна пареа работи на тоа да прати што е можно повеќе хеликоптери на производната лента.
"Mi-14" или "Haze", како што го нарекуваат припадниците на НАТО силите, е против-подморнички хеликоптер кој опционо може да биде вооружен: торпедо - 12 бомби од по 65 килограми или шест бомби од по 128 килограми и антиподморничка нуклеарна бомба од 1 килотон.
Леталото е способно да неутрализира било каква подморница на радиус од 800 метри длабочина. Поседува единствена способност буквално да слета на површината на водата, а во воздух без дополнување на гориво може да мине пет и пол часа, и на тој начин да покрие област со површина од 1.100 километри.
Сонари, магнетометри, хидроакустични сигнални уреди и останатата радарска технологија со неверојатен успех ги пронаоѓале сите типови на непријателски подморници. Американците инсистирале на демонтажа на овие летала, токму поради тоа што во 80-тите години ја детектирале нивната "невидлива подморница", која се нашла во советските води.
