Еспресо Тоник
Потребни состојки:
- Тоник
- Доза еспресо
Ставете го тоникот во висока чаша со мраз и полека истурајте го еспресо кафето во неа, за да не ви претечат меурчињата. Ова може да го направите дома или пак да ги нарачате двете пијачки во кафуле и да си го зготвите на лице место.
Кафе со портокал
Потребни состојки:
- Кафе (филтер или инстант)
- Млеко
- Портокал
Доколку подготвувате филтер-кафе, во кесичката каде го ставате меленото кафе изрендајте малку кора од портокал. Топлата вода, додека се вари кафето, ќе ги свари и малите парчиња кора од протокал и кафето ќе добие одличен вкус. Изладете го и ставете го во чаша со мраз и парче портокал, и додадете малку млеко по желба. Доколку пак правите инстант кафе, подгответе го кафето како што нормално би го подготвиле, со тоа што во чашата со мраз и кафе ќе исцедите малку портокал и ќе ставите едно парче од ова овошје.
Мока со кафе коцки
Потребни состојки:
- Кафе (филтер или инстант)
- Млеко
- 4 лажички какао во прав
Направете кафе (филтер во машина или инстант во бокал) и откако ќе се излади ставете го во калапи за мраз. Кога ќе бидат добро замрзнати, подгответе висока стаклена чаша во која ќе го ставите какаото и ќе турите малку млеко и ќе измешате за да се раствори. Сега ставете ги коцките со кафе и одозгора истурајте млеко, сè додека не се наполни чашата.
На здравје! :)