Освен тоа командосите од специјализираната единица за борба против тероризмот при МВР прават заеднички вежби со македонските колеги по апсењето на терористи во шумските области.
Армијата е на границата и подготвува точки за случај, ако не дај Боже, работите тргнат на лошо во Македонија, а во случај на ескалација, тие 90.000 иматели на бугарски пасоши ќе може да дојдат во Бугарија, порачал бугарскиот премиер Бојко Борисов на вчерашната блиц-средба во бугарското Народно собрание, која беше по барање на Патриотскиот фронт, јавуваат бугарските медиуми.
“Војската на границата ги подготвува своите точки, не дај Боже, ако работите одат на лошо во Македонија”, најави премиерот. Под тревога се и граничните премини, ако треба да се соочат со Македонците со бугарски пасоши, кои се околу 90 илјади. Борисов објасни дека за нив нема да има проблем ако решат да дојдат во Бугарија, и најави дека Бугарија треба да има подготвеност и за евентуална хуманитарна криза.
- Тие што се со бугарски пасоши, околу 90.000 бугарски државјани, ќе може да се приберат во Бугарија, но во случај на хуманитарна криза, треба да бидеме подготвени, изјавил Борисов.
Во исто време, началникот на одбраната, вицеадмирал Румен Николов, вели дека за неколку дена бугарските служби ќе може да дадат одговор на прашањето дали случувањата во Македонија се случиле спонтано или се по нечие сценарио.
