Во првото коло во Благоевград, Јанкуловски убедливо го совлада Бугаринот Васил Шандаров (1.603.) со 6-1, 6-3 и со тоа се пласира во 2. коло, што значи еден поен според правилата на меѓународната тениска федерација (ИТФ).
Ова е само втор турнир на кој Јанкуловски успеал да се пробие до главната ждрепка (во Ваљево минатата недела) и веќе во вториот дуел запиша победа.
Во Благоевград првото коло го мина и Стефан Мицов. Нешто пред мечот на Јанкуловски, Мицов го изненади Русинот Дмитри Сурченко, 961. на АТП-листата, со 6-4, 6-1.
Во второто коло на турнирот вреден 10.000 долари, Мицов ќе игра против првиот носител, Бугарнинот Александар Лазов (327.), додека Јанкуловски со осмиот фаворит, Чехот Јан Блеха (888.).
