И тој сака помлади: Актерот за прв пат во јавноста со 30 години помладата девојка

Познатиот американски актер Ричард Гир, веќе една година е во врска со три децении помладата Алехандра Силва.

65-годишниот актер, Ричард Гир, за прв пат се појавил во јавноста со 33 години помладата Шпанка Алехандра Силва, на филмскиот фестивал во Сицилија. Парот таму ужива во рајските плажи.

"Заедно се веќе една година, но тоа го држеа во тајност. Алехандра живее на релација Менхетн - Мадрид, и Ричард веќе неколку пати патува во Шпанија за да биде со неа", рекол еден пријател на Алехандра за едно шпанско списание.

Инаку, Алехандра била во брак со Говиндо Фридланд, со кого го има синот Алберт.

Ричард Гир, зад себе ги има браковите со манекенката Синди Крафорд и Кери Ловел.