Еден загинат и 60 повредени во сообраќајна несреќа кај Белград

Едно лице го загуби животот, а 62 други лица се повредени, од кои 10 деца, во сообраќајната несреќа која околу 4 часот се случила на автопатот Ниш-Белград, кај месноста Бубањ поток.

До несреќата дошло кога автобус, кој превезувал туристи кои се враќале од одмор, ја пробил заштитната ограда и излетал од патот.

Во автобусот, кој се враќал од грчкото летувалиште Полихроно, имало 86 лица.

„Кај нас се примени 60 лица, од кои петмина се со тешки повреди, повредените деца се префрлени во клиниката во Тиршова улица“, изјавил портпаролот на Ургентниот центар во Белград Александра Бериќ.