Таткото кој што до смрт го претепа своето бебе: "Не знаев што правам, пиев лекови и алкохол!"

К.К. (25) од Земун, татко на едногодишното бебе кое што вчера брутално го претепа, на сослушувањето во полиција изјавил дека не знаел што прави! Бебето утрово почина поради сериозноста на здобиените повреди.

- Ми падна темнина пред очите и дури на крајот сфатив што всушност направив. Пред сето тоа да се случи земав лекови против депресија и испив поголемо количество на алкохол.

Како што дознава српски "Блиц", К.К. во текот на сослушувањето покажувал знаци на каење и изразил надеж дека неговиот едногодишен син ќе се опорави.

Тој, според нивните сознанија, бил видно потресен додека разговарал со полицајците.

Адвокатот Драгомир Мрдаљ за српски "Блиц" потврдил дека неговиот клиент К.К. е сослушан во полиција и дека денес ќе биде изведен пред судија за претходната постапка, кој ќе одлучува за предлогот на обвинителството за одредување на притворот.