Регрупирање на операторите - Кој ќе излезе како победник

Т-Мобиле Македонија ги оствари најавите за присоединување кон Македонски телеком. со што новата компанија официјално ќе почне да функционира од 1 јули. Промените во организациската структура се превземаат за подобро позиционирање на пазарот, подобри резултати од работењето, поефикасна борба со конкуренцијата и поголема моќ за нови инвестиции.

Во наредниот период навистина не очекуваат големи промени во телекомуникациите бидејќи наскоро ќе се изврши и обединувањето на мобилните оператори Вип и ОНЕ, додека пак четвртиот мобилен оператор Албафон кој нудеше услуги исклучиво за албанските граѓани во Македонија објави дека престанува со работа.

Затоа на пазарот ќе дојде до функционирање на дуотот Вип и ОНЕ кои ќе бидат во водство со бројот на корисници, пред Т-Мобиле кој досега беше прв но, сега ќе треба повеќе да се потруди. Од овие промени најверојатно нема да дојде до поскапување на цените на мобилната и фиксната телефонија, но корисниците сигурно ќе очекуваат поквалитетни услуги.