Тачи: Следната недела ќе има решение на кризата, се разговара и за името

– Паралелно со разговорите за решавање на кризата се водат и разговори за надминување на проблемот со името – изјави лидерот на ДПА, Мендух Тачи, по средбата со американскиот конгресмен Енгел и амбасадорот Бејли, јавува Канал 5.

На новинарско прашање дали има некаков предлог на маса, Тачи вели дека има конкретен предлог за името но остава за тоа да зборува некој друг.

Следната недела ќе има решение за политичката криза во Македонија, прогнозира Тачи.

Попладне одвоени средби со конгресменот Енгел и амбасадорот Бејли ќе имаат Заев и Груевски по што се очекува изјава на Бејли во 16 часот.

Извор: Канал 5