Шпанците тврдат: Рамос во Манчестер Јунајтед!

Според информациите на шпанските и англиските медиуми, Серхио Рамос ги завршил преговорите со Манчестер Јунајтед и наскоро би можел да се пресели на „Олд Трафорд“.

Шпански „АС“ пренесува дека трансфер-сагата околу Серхио Рамос наскоро може да заврши. Наводно деновиве Серхио Рамос се договорил со управата на Манчестер Јунајтед за негов трансфер на „Олд Трафорд“ и сега се чека само на Давид Де Хеа кој ќе замине во обратен правец.

Шпанските медиуми тврдат дека деновиве преговорите помеѓу двете страни биле со голем интензитет и 29-годишниот Серхио Рамос е се поблиску до Јунајтед.

Се споменува бројка од 55 милиони евра за трансферот на Рамос, а шпанскиот репрезентативец би требало да стави потпис на петгодишен договор. Инаку „АС“ веќе втор пат ја споменува истата бројка во врска со обесштетувањето на Серхио Рамос.