Кралски третман: Вака најдобриот хотел во светот ги дочекува своите гости

"Oberoi Udaivilas" е името на официјално најдобриот хотел во светот, кој се наоѓа во Удајпур во Индија. Една од многубројните причини поради кои ја добил оваа ласкава титула е односот кон своите гости, кои се третираат како кралеви.

Луксузните услуги како приватни базени и личен батлер, се само дел од широкиот асортиман на услуги кои ги нуди "Oberoi". За оние со премногу длабок џеб, се разбира.

Во грандиозното здание на хотелската палата се пристигнува со приватен брод преку езерото Пичола. Целиот хотел е инспириран од традиционалната индиска архитектура, во која влегуваат и карактеристичните куполи.

За целиот луксуз дополнително придонесуваат фонтаните и рајските градини, кои на хотелскиот имот ги има премногу, пишува Business Insider.

Целиот концепт е заснован на апсолутен мир и спокој за гостите, кои добиваат третман достоен за индиските владетели.