Тестирањето на овие автомобили во вистински услови низ фреквентните градови може да биде прилично непријатно, па затоа научниците од Универзитетот Мичиген направија лажен град кој е наменет за такви тестирања. Градот се вика Мсити (Mcity) и во него има улици, тротоари, семафори и сообраќајни знаци, а направени се и фасади на згради, за ситуациите да бидат колку што е можно пореални. Единствено што му недостасува на градот се луѓето.
Мсити ќе биде почетен полигон за тестирање на идните технологии пред нивното усовршување, а кога автомобилите ќе ги совладаат тестовите во овој град, тогаш ќе бидат подготвени за вистинскиот сообраќај и тестови на фреквентни улици со други автомобили, мотоцикли и пешаци.
Иако во градот нема луѓе, сепак ќе има еден пешак-робот, кој се движи по тротоарите и ќе преминува преку улиците за да ги тестира реакциите на пешаците. Покрај автономните автомобили, тука ќе се тестираат и таканаречените поврзани автомобили, кои освен меѓусебно, комуницираат и со другите предмети како семафорите и знаците.
Научниците од Универзитетот во Мичиген велат дека градот е детално испланиран за автомобилите во него да се сретнат со сите пречки што може да се појават во реалноста.
