За прв пат од далечната 1985 метеоролозите регистрираат невообичаено високи тропски температури за април месец што се должат на струења од АфрикаЗа прв пат по 28 години нашата земја се соочува со невообичаено високи тропски температури во април месец.
Живата во термометарот деновиве се искачи над 30-от степен, а синоптичарите најавуваат нов топлотен бран од наредната недела. Според податоците од Управата за хидрометеоролошки работи (УХМР) вчера во државата биле регистрирани 31 степен Целзиусов. За викендов се очекува температурите да останат високи од 30 до 31 степен. Ново покачување ќе следи од вторник кога ќе порасне на 32 степени. - Топлиот бран ќе трае до четврток, а потоа ќе следи намалување, но само за еден до два Целзиусови степени. Ваквиот пад на температурите можно е да донесе и врнежи, информираа дежурните синоптичари од Хидрометеоролошката управа.
