Мурињо: Ќе се вратам во Интер, но не во следната сезона

Тренерот на Реал Мадрид, Жозе Мурињо изјави дека сигурно ќе се врати во својот поранешен клуб Интер, но тоа нема да го стори следната сезона.

,,Сакам да се вратам во Интер, но не во следната сезона'' - изјави тренерот на Кралскиот клуб, по вчерашниот натпревар во првиот натпреварот од четврт-финалето од Лигата на шампионите против екипата на Галатасарај.

,,Тоа не е лага, тоа го зборува моето срце. Повторувам, сакам да се вратам во Интер, како и што сакам да се вратам во Англија, но тоа нема да биде следната сезона. Мојот следен клуб сигурно нема да биде Интер'' - додаде Мурињо кој во Интер помина две сезони и успеа да ја освои историската тројна круна со екипата на Нераѕурите.