Мурињо во Челзи официјално во јули?

Британскиот таблоид The Sun верува дека е постигнат договор помеѓу Челзи и Жозе Мурињо, па португалецот официјално ќе се врати во Лондон на 1. јули.

Речиси е сигурно дека португалскиот стратег Жозе Мурињо нема да остане на Сантијаго Бернабеу, а се верува дека неговата ново-стара дестинација ќе биде екипата на Челзи. Според британскиот таблоид The Sun, Мурињо веќе се има договорено со лондонскиот клуб, а официјално како нов тренер на Челзи ќе биде претставен на 1. јули.

Сопственикот на Челзи, Роман Абрамович наводно му понудил плата на Мурињо од 11.8 милиони евра по сезона, а рускиот милијардер сигурно ќе мора да плати подеднакво висока, а можеби и повисока одштета на Реал Мадрид за раскинување на договорот со Португалецот.