Кејд Дејвис ја продолжи верноста кон МЗТ Скопје

Раководство на МЗТ Скопје Аеродром е решено да го задржи костурот на тимот и за во идната сезона. Откако Тодор Гечевски, Ѓорѓи Чековски, а подоцна и Дамјан Стојановски ставија потпис на нови договори, соработката со клубот од Аеродром ја продолжи и одличниот Кејд Дејвис.
Американецот со голем успех го носи дресот на МЗТ и во изминатите две сезони беше еден од клучните играчи на патот кон освојувањето на двојната круна едноподруго, а имаше просек од 11.6 поени и 4 скока по натпревар во изминатата сезона.
-Кејд Дејвис ја продолжи верноста кон македонскиот кошаркарски шампион и за наредната сезона. Американецот веќе две години со успех настапува за тимот на МЗТ Скопје Аеродром освојувајќи ја двојната круна во два наврати едноподруго – стои во соопштениот на официјалниот сајт на МЗТ Скопје.