Армина Нина Крго од Бања Лука ја освоила титулата за најубава девојка на престижното натпреварување "World’s Perfect Miss".
Станува збор за натпреварување кое што во последните неколку
години станало исклучително популарно во светот, па се предвидува дека
во иднина истото ќе стане и едно од најпрестижните интернационални
натпреварувања за убавина. Шоуто било одржано во Флорида и на истото за титулата најубава се бореле 51 девојка, но сопственичка на круната станала Армина Нина Крго.
Прекрасната Армина е родена во 1987 година во Бања Лука, а кога имала само 11 години, таа се преселила со своето семејство во Луисвил, каде што го завршила своето средно образование и се здобила со факултетска диплома.
Со манекенство и моделинг започнала да се занимава уште од детството, а ова хоби во последните неколку години и станувало се поважно и позначајно во нејзиниот живот.
Таа за својот изглед се грижи преку напорните тренинзи во теретана, а само еден поглед кон фотографиите е доволен доказ дека вложениот труд на крајот и тоа како и се исплател.
Само како потсетување, пред околу еден месец, титулата за најубава жена во светот ја доби Аида Ѓапо, исто така со потекло од Босна и Херцеговина.
