Фалкао останува во Монако

Францускиот прволигаш Монако денеска ги демантираше шпекулациите поврзани со статусот на Радамел Фалкао. Вчера дел од медиумите пренесоа дека најголемата ѕвезда на клубот е ставена на трансфер листата и за него се бара купувач, иако беше ангажиран ова лето.

Наведената причина не беше незадоволство од игрите и однесувањето на Колумбиецот, туку притисокот кој го прават другите клубови кои бараат Монако да ги плаќа истите даноци како и тие, што би значело дека треба да се одвојува голема сума кон државатга само за напаѓачот.

 Клубот сака категорично да ги отфрли шпекулациите поврзани со Фалкао. 

Потсетуваме дека тој потпиша петгодишен договор со Монако и тоа ќе остане така се додека не објавиме поинаква информација. Ние не сме клуб кој се занимаваме со шпекулации и затоа сакаме да демантираме дека во договорот со Фалкао постои клаузула според која тој има право следното лето да се пресели во Реал Мадрид, - стои во соопштението на клубот од кнежевството.