Предлог-дизајн за подземни домови за луѓето на Марс

Кога луѓето конечно ќе патуваат на Марс, како ќе изгледаат нивните домови? „ЗА Архитектс“ создадоа визуелна претстава на подземна колонија.

Предлогот на оваа архитектонска фирма вклучува испраќање роботи пред првата човекова експедиција. Роботите треба да копаат во почвата богата со базалт на Марс и да создадат пештери за подземните населби на човекот. Изградбата ќе ја завршат
 астронаутите.

На површината ќе има проѕирни кровови кои ќе ја пропуштаат светлината за луѓето внатре. Пештерите би имале повеќе слоеви.





Еден од архитектите позади овој предлог признава дека роботиката потребна за проектот моментално не постои, но тој смета дека во следната деценија ќе ги видиме роботите кои ќе бидат способни за спроведување на овој проект.