Телефони кои е најтешко и најлесно да се поправат

Компанијата „iFixit“ која редовно ги раскплопува сите познати гаџети, објави листа на смартфони кои се подредени според леснотијата на поправање.

Според тоа колку е тешко или лесно еден телефон да се поправи, телефоните се рангираат на скала од 0 до 10, каде 10 добива уредот што е најлесен за поправка.

За да добие добра оценка, уредот мора лесно да се расклопува, мора да постои упатство за негово сервисирање, а поените се добиваат и одземаат во однос на тежината на неговото отворање и замена на клучни компоненти.
Листата на „iFixit“ не ги покрива сите телефони на пазарот, а судејќи по резултатите, „Motorola“ е шампион на листата на поправки, со оглед на тоа што нејзините модели „Droid Bionic“ и „Atrix 4G“ се единствени уреди кои воопшто некогаш имаат добиено 9 поени.
„Samsung Galaxy S4“ и „S3“ добиле 8 поени, исто како и „Note“ и „Note 2“.
„iPhone 5“ добил солидни 7 поени, колку што добиле и „Nexus 4“, „Motorola Moto Х“ и „iPhone 3G“ и „3GS“. „iPhone 5S“ и „5C“ добиле по 6 поени, со оглед на тоа што нивните батерии е потешко да се извадат.

Оригиналниот „iPhone“ кој е претставен во 2007 година добил само 2 поени, бидејќи премногу тешко се отвара, а уште потешко е да се замени батеријата.

Најдолу на оваа листа се наоѓа „HTC One“ со само еден поен. Од „iFixit“ велат дека неговата конструкција е солидна, но дека телефонот е речиси невозможно да се отвори без да се оштети задниот капак, што го прави овој телефон многу тежок за поправка.