Зависник од Нокиа телефони има 115 најразлични мобилни од оваа компанија

Џим О’Брајен е голем вљубеник во Нокиа телефоните. Досега има собрано 115 телефони, а во разговорот за официјалниот портал на најголемиот светски произведувач на мобилни телефони, Џим открил кој мобилен му е омилен.
Помеѓу петте најдобри мобилни телефони, Џим го сместил Нокиа 7650 од 2001-та година, кој е првиот телефон со вградена камера. Четвртото место на неговата листа го зазема Нокиа Н92 од 2005-тата година, за кој вели дека никогаш нема да го продаде, иако многупати му нуделе висока сума на пари.


За Нокиа Н81 од 2007-та година, кој е сместен на третата позиција, Џим вели дека го засакал поради неговиот дизајн и звук. На втората позиција се наоѓа Нокиа 3230 од 2004-тата година, а Џим за овој модел вели дека во тоа време бил „вистински мал компјутер“.

Според него, најдобар Нокиа мобилен уред е Лумиа 1020, кој е произведен оваа година.


„Ова е мобилен на деценијата. Ги имам сите Лумија телефони и секогаш се прашувам дали можат да бидат подобри. Овој едноставно нема конкуренција“, рекол Џим, кој се' уште ги чува сите 115 мобилни телефони што ги користел во минатите 10 години.

ТОП10 ОК ?

1 2 3 4 5 6 7 8 9 20ОТ О