Пилотот се онесвестил, присилното слетување го извел патник

Пилот на помал авион во текот на летот се онесвестил. Неговиот единствен сопатник, кој никогаш не управувал со авион, успеал присилно да го приземји леталото.

Двајца мажи, пилот и патник, во вторникот полетале од северот на Англија на краток кружен лет. При враќањето на пилотот му се слошило и се онесвестил.

Неговиот сопатник и пријател, успеал да се јави на контролорите во Хамберсајд, кои во рекорден рок пронашле двајца инструктори за лет и ги поврзале со патникот, за да му дадат упатства за присилно слетување.

Чекор по чекор го навеле на успешно слетување, иако немал никакво пилотско искуство. Мажот не бил повреден, а онесвестениот пилот бил префрлен во болница каде подоцна починал. Причините за неговата смрт се' уште не се утврдени.