Доказ дека не само човекот може да воодушевува е и неверојатното видео на кое што е претставен балетот на птиците.
Имено, додека една филмска екипа снимала реклама во Марсеј, во
Франција, на небото се појавила магична глетка поради која сите
заборавиле на своите задачи, ги свртиле камерите кон небото и уживале во
неверојатниот перформанс - "балетот на птиците"
"Снимавме реклама и чекавме хеликоптерот да полета во воздухот во текот на зајдисонцето, кога илјадници и илјадници птици се појавија и ни го приредија овој неверојатен танц на небото. Беше неверојатно, заборавивме на својата работа и започнавме со снимањето на оваа мало парче природна уметност... Уживајте! И им благодариме на птиците. И им благодариме на луѓето кои ни дозволија да го снимаме ова во текот на нашето работно време", изјавил режисерот, кој бил воодушевен од оваа неверојатна небесна глетка.
