Ибраниците на Лино Червар денес го забележаа првиот пораз
во Лигата на шампионите. Во третото коло екипата на Барселона го прегази
тимот од Автокоманда со 35:17.
Македонскиот вице-шампион издржа само петнаесетина минути, односно
не дозволуваше Барселона резултатски да се одлепи. Во продолжението на
мечот, Барселона до крајот константно го зголемуваше водството, пред се'
преку брзите контри и одлично искористените грешки на Металург.До крајот на првото полувреме ракометарите на Металург загубија дури 11 топки и успеаа да постигнат само 5 голови со што го најавија својот дебакл во Барселона денес. До крајот на натпреварот ракометарите на Червар успеаа само да ја подобрат играта во нападот, меѓутоа не пронајдоа решение како да го сопрат нападот на шпанскиот ракометен гигант, предводен од нашиот Кире Лазаров кој натпреварот го заврши со девет постигнати погодоци.
Најефикасен ракометар во редовите на скопскиот тим беше Ренато Вугринец кој го заврши натпреварот со шест погодоци.
