Како инспирација за престанување со лошата навика, еве примери на некои од славните лица, кои успеале да им кажат „не“ на цигарите засекогаш.
(Фото: Digitaltrends.com)
Ештон Качер мислел дека никогаш нема да престане
Откако на подарок ја добил книгата „Лесно е да се остави пушењето“почувствувал дека дошло времето за ставање крај на неговата зависност. Успеал од прва, и тоа веднаш ги фрлил цигарите, а верува дека тоа било многу полесно отколку постепено да го намалува бројот испушени цигари.
- Бев страствен пушач и верував дека тоа ќе останам целиот живот – изјави Ештон Качер во емисијата на Џеј Лено.
Жизел Бундшен не пуши веќе десет години
Славната манекенка пушела уште од адолесценција. Признава дека тоа бил нејзин „вентил“ и начин за избегнување на стресот.
Одлучила да престане во 2003 година откако забележала дека сè почесто кашла, а откако тоа го направила се здебелила речиси седум килограми, од кои не успеала да се ослободи. Но, вели дека попрво би имала малку повеќе месо, отколку да ги труе градите.
(Фото: ТЕА Модерна)
Обама немаше да успее без ултиматумот на Мишел
Додека првиот пат размислувал за кандидатура за претседател, Барак Обама, добил ултиматум од сопругата - може да се кандидира со нејзина целосна поддршка, но само ако престане да пуши. За да ги намали симптомите на криза, користел никотински гуми за џвакање, што повремено ги користи и денес.
Смета дека 95 отсто е излечен од зависноста, но признава дека и денес го обзема желба, но и се плаши дека ќе ја разочара Мишел.
Кетрин Хигл прво експериментирала со е-цигарите
По долгиот пушачки стаж, Кетрин Хигл, одлучила да премине на поздрава алтернатива на својата зависност, е-цигарите. Со нив продолжила уште една година пред конечно да престане да пуши, а одлуката ја зацврстила нејзината желба да стане мајка.
Денес вели дека токму чистиот воздух е нејзиниот најголем подарок за ќерката која ја посвои од Јужна Кореја.
Мет Дејмон престанал да пуши затоа што не сакал да биде лош пример
Татко на четири млади девојки, познат актер и режисер, Мет Дејмон, рече дека му требало многу време да престане, но дека неизмерно му е мило што денес не пуши. Последната цигара ја запалил во 2004 година на крајот на снимањето на филмот „Дванаесеттемина на Оушн“, а во одвикнувањето најмногу му помогнала хипнозата. Освен тоа, мотив му бил да биде добар пример на своите ќерки.
На Вупи Голдберг ѝ помогнал лекар
Славната комичарка неколку пати се обидувала да ги остави цигарите, нозависноста се будела веќе после неколку недели. На крајот побарала помош од својот семеен лекар кој ѝ препишал лекови што го заменуваат никотинот и ги намалуваат симптомите на криза.
Не пуши веќе една година и вели дека требало тоа да го направи и порано.
Џон Хам навреме се опаметил
Иако е најпознат по улогата на Дон Дрејпер од серијалот „Mad Men“, во која цигарите и алкохолот се заштитен знак, Џон изјави дека престанал да пуши на 24 години. На тоа го поттикнало случајот на ракот на белите дробови на член во блиското семејство.
Шарлиз Терон во филмот Снежана
Шарлиз Терон наводно пушела до три кутии на ден
Бев голем зависник, признава Шарлиз, која пушела и до три кутии цигари на ден. Рече дека се залажувала дека со здравата исхрана и редовните тренинзи ќе се намали штетноста од цигарите.
Престанала да пуши во 2011 година, а рече дека најголема замена за цигарите во прво време ѝ била храната.
На Гвинет Палтроу ѝ помага една цигара неделно
Иако е голем промотор на здравиот начин на живеење, славната Гвинет Палтроу, признава дека единствен начин да се држи подалеку од цигарите, е тоа што секоја сабота навечер да се почести со една.
Таа вели дека била толку многу зависна што пушела и во времето додека нејзиниот татко се борел со ракот на грлото и дека знаеле дека цигарите, најверојатно, ќе го убијат.
На Џенифер Анистон ѝ помага јогата
Во март оваа година почнаа шпекулации дека Џенифер Анистон е бременаоткако оваа слаба актерка на црвениот килим се појави со неколку килограми повеќе.
Призна дека не станува збор за бременост, туку дека по повеќе од 20 години пушачки стаж ги оставила цигарите. Поради тоа се здебелила, а тврди дека најголем сојузник во борбата со зависноста ѝ е јогата.
На Бен Афлек цигарите му се згадиле
Пред да стане внимателен татко и сопруг, Бен Афлек пушел цела деценија. Првпат престанал да пуши во 2005 година откако дознал дека жена му е бремена, но истата година кога го снимал филмот „Smoking Aces“, повторно пушел и по пет кутии на ден.
По завршувањето на снимањето му било згадено од цигарите и оттогаш повторно не запалил цигара.
Дру Баримор користи хипноза
Таа е дете на Холивуд и од мали нозе била изложена на пороци. Цигари пуши уште од десет години, а се откажала дури неодамна. Не пуши веќе три месеци, а признава дека не би можела да успее без третманите со хипноза.
