Според тоа, бројот на гладни изнесува 12 проценти од светската популација, што е помалку од периодот од 90. до 92. година, кога тој процент изнесувал 17 проценти, пренесува Ројтерс.
Во извештајот било наведено дека во периодот од 2010. до 2012. година имало 868 милиони гладни, а тој број во 2009-тата година изнесувал 1,2 милијарди.
Светската организација за храна ги предупредила светските лидери дека некои региони нема да можат да ја исполнат целта, а тоа е до 2015-тата година за една половина да го намалат бројот на гладни луѓе.
Светските лидери во ОН во 2000. година си поставиле за цел да го преполоват бројот на гладните. Во некои области бил постигнат напредок, а шансите тоа да успее до 2015. година не се секаде еднакви, и голем број на земји нема да успеат во тоа.
"Земјите кои искусиле конфликт во минатите две децении веројатно значително ќе назадуваат во напорите да го намалат гладот", стои во извештајот.
Организацијата за храна и земјоделство, Светската програма за храна и Меѓународниот фонд за развој на земјоделството, соопштиле дека политиката чија цел е да се зголеми земјоделското производство е клучна за намалување на гладот дури и во регионите каде што владее сиромаштија.
"Кога тоа се комбинира со социјалната заштита и други мерки кои ги зголемуваат приходите на сиромашните семејства и нивната куповна моќ, тоа може да има позитивни ефекти и да поттикне развој на руралната средина", се наведува во извештајот.
Најголем број на гладни луѓе, или 827 милиони, живеат во земјите во развој, каде што процентот на глад е проценет на 14,3 проценти.
Најголем број на гладни и натаму има во Африка, каде што гладува едно од пет лица, додека најкритичен дел во светот по тоа прашање е јужна Азија.
