Целиот инцидент започнал кога триесет и тригодишниот возач на џипот, кој во автомобилот бил со своето двегодишно дете и сопругата, турнал еден од моторџиите на автопатот во Менхетн, при што возачот на моторот ја скршил својата нога.
Возачот на џипот сакал да застане, меѓутоа бил нападнат од поголема група на моторџии, па продолжил да вози, но при обидот за бегство, тој удрил во други тројца моторџии. Целиот инцидент бил снимен од страна на еден од возачите на моторите, преку камерата на неговата кацига.
По првичниот судир започнала потерата, а кога возачот на џипот останал заглавен во сообраќајот, моторџиите стигнале до него, но последна сцена во видеото е онаа кога тие го кршат стаклото од автомобилот. Подоцна њујоршката полиција соопштила дека возачот на автомобилот бил брутално претепан.
