Од Русија пристигнува екстремен студ!

Иако есента само што започна, во Русија владее рекорден студ, а екстремно ниските температури за оваа доба од годината наскоро ќе пристигнат и во источниот дел на Европа, но се претпоставува и дека истите ќе стигнат дури и до Грција.

Во последните неколку денови, температурата во Краснојарск паднала 6.5 степени Целзиусови под нулата, што воедно е и најниската измерена температура на воздухот во месец септември откако воопшто започнале луѓето да ги мерат температурите на воздухот.


Според информациите на рускиот Хидрометеоролошки завод, досегашната рекордно ниска температура во септември изнесувала 6.4 степени Целзиусови и била измерена на 27 септември во 1988 година.

Од институтот истакнале дека споменатата вредност се однесува на просечната дневна, а не на минималната температура, а тоа значи дека минималните вредности во текот на изминатиот месец паднале и 15 степени Целзиусови под нулата.

 
Уште сега, околу 60% од територијата на азискиот дел од Русија е под снег, а најдебели снежни покривки има на планините Магадан и полуостровот Јамал, 40 и 20 центиметри, соодветно.

Овогодишниот септември во главниот град на Русија, Москва, ќе биде запомнет и како септември со најмногу врнежи во историјата на мерењето, односно во последните 134 години. 


Силното поле на висок воздушен притисок над Скандинавија во следните неколку дена ќе се погрижи "рускиот" студ да се придвижи кон источна Европа, балтичките земји, па се до Грција и северниот дел на Турција.